İranın xarici işlər naziri Abbas Araqçinin ötən gün Ermənistana səfərindən paylaşdığı video maraqla qarşılanıb.
Turkustan.az xəbər verir ki, nazirin paylaşdığı görüntülərdə ermənilərin Ararat adlandığı, Türkiyənin ərazisində yerləşən Ağrı dağı da yer alıb.
Erməni jurnalist Qohar Savzyan Araqşinin bu addımın xüsusi məna daşıdığını iddia edib. Onun sözlərinə görə, bu, iranlı nazirdən Paşinyana bir növ “diplomatik şillə” xarakteri daşıyır. Yəni Tehran Nikol Paşinyanın Ağrı dağı ilə bağlı fikirlərini dəstəkləmir.
Qeyd edək ki, daha öncə Ermənistanın baş naziri Ağrı dağının Türkiyə ərazisində yerləşdiyini, ermənilərin milli simvolu kimi təqdimatının doğru olmadığını bildirib. O, bu dağın görüntüsünün Ermənistan gerbi və dərsliklərdən çıxarılmalı olduğunu deyib. /globalinfo.az/
