Aİ Rusiyanın aktivlərini dondura bilməz, çünki onların yenidən investisiyasından əldə edilən gəlir G7-nin Ukraynaya verdiyi hərbi kreditlər üçün zəmanət rolunu oynayır.
Turkustan.az xəbər verir ki, bunu Avropa İttifaqı Şurasının prezidenti Antonio Kosta Brüsseldəki Avropa Siyasət Mərkəzində çıxışı zamanı deyib.
"Aktivlərin dondurulmamasının çox praktiki səbəbi var. Dondurulmuş aktivlərdən əldə edilən gəlirlər indi G7-nin Ukraynaya təkcə Aİ ölkələrindən deyil, həm də Yaponiya, Kanada və ABŞ-dan kreditləri üçün zəmanət rolunu oynayır. Aİ bu zəmanətləri qorumalıdır"-deyə, o bildirib.
Aİ Şurasının 2023-cü il dekabr tarixli Qətnaməsinə əsasən, Aİ yurisdiksiyalarında dondurulmuş Rusiya aktivlərinin yenidən investisiyasından əldə edilən gəlir hesabına açılan G7 kredit proqramı 40 milyard avroya qədərdir və 2027-ci ilə qədər olan dövr üçün hesablanır və onların ödənilməsi 2040-cı ilə qədər tamamlanmalıdır.
Kosta çıxışında Rusiyanın aktivlərinin guya Ukraynaya “təzminat” ödəmək üçün istifadə edilməli olduğu fikrini də ifadə edib. "Dondurulmuş aktivlər və Ukraynaya kompensasiyalar məsələsi istənilən sülh danışıqlarının bir hissəsi olmalıdır. Biz təzminat məsələsi həll olunana qədər aktivləri dondurulmuş vəziyyətdə saxlayacağıq".
Aytən Yaşar/ Turkustan.az
