Rusiya Müdafiə Nazirliyi Ukraynanın Belqorod vilayətində təbii qaz paylayıcı stansiyasına pilotsuz uçuş aparatı (PUA) ilə hücum təşkil etdiyini bildirib.
Turkustan.az xəbər verir ki, nazirlikdən verilən yazılı açıqlamada Ukraynanın martın 22-də Belqorod bölgəsində təbii qaz paylama stansiyasına hücum təşkil etdiyi bildirilib.
Açıqlamada İHA-lar ilə həyata keçirilən hücum nəticəsində stansiyanın zədələndiyi qeyd edilsə də, stansiyanın fəaliyyətini davam etdirib-etdirmədiyi ilə bağlı məlumat paylaşılmayıb.
“Ukrayna prezidenti Vladimir Zelenskinin verdiyi bəyanatların, o cümlədən ABŞ-a çatdırılan bəyanatların əksinə olaraq, Kiyev rejimi Rusiyanın enerji infrastrukturuna qəsdən hücumlar planlaşdırmağa, hazırlamağa və həyata keçirməyə davam edir”- deyə, bəyanatda bildirilir.
Bildirək ki, ABŞ prezidenti Donald Tramp və Rusiya prezidenti Vladimir Putin arasında martın 18-də keçirilən görüşdən sonra tərəflərin enerji infrastrukturu obyektlərinə hücumları 30 gün müddətinə dayandırmaq barədə razılığa gəldiyi bildirilib.
Aytən Yaşar/ Turkustan.az
