Katoliklərin ruhani lideri Papa Fransisk bir aydan çox müalicədən sonra xəstəxanadan buraxıldı.
Turkustan.az xəbər verir ki, katoliklərin ruhani lideri və Vatikanın dövlət başçısı Papa Fransisk bir aydan artıqdır müalicə aldığı və sonra evə buraxıldığı xəstəxanada onu gözləyənləri pəncərədən qarşılayıb.
Ağır bronxit səbəbiylə ikiqat pnevmoniya diaqnozu ilə Romadakı Gemelli Xəstəxanasında 37 gün müalicə olunan 88 yaşlı Papa bu gün ilk dəfə ictimaiyyət qarşısına çıxıb.
Papa Fransisk ənənəvi bazar günü namazı zamanı Gemelli Xəstəxanasının qarşısındakıları eyvandan salamlayıb. Əlil arabası ilə eyvana gətirilən Papa 2 dəqiqəyə yaxın balkonda qalıb. Yorğun görünən Papa salamlama zamanı "Sarı çiçəkli bir xanım görürəm, necə də gözəldir" deyib.
Onun salamını izləmək üçün xəstəxanaya toplaşan minlərlə insan dindarların bir qisminin ağlaması, digərlərinin isə sevincinin ifadəsi oldu.
Papa Fransisk camaatı salamladıqdan sonra maşınla xəstəxananı tərk edib.
Dünyanın müxtəlif ölkələrindən bir çox mətbuat mənsubları da Papanın salamını və xəstəxanadan ayrılmasını izləyib.
Aytən Yaşar/ Turkustan.az
