Almaniyanın xarici işlər naziri Baerbok deyib ki, avropalılar azad Suriyanın yanındadır
Turkustan.az xəbər verir ki, Baerbok Brüsseldə keçirilən Aİ Xarici İşlər Nazirləri Toplantısından əvvəl açıqlamalar verib.
Görüşdə Suriyanın müzakirə ediləcək mühüm mövzulardan biri olacağını bildirən Baerbok, Avropalılar olaraq Suriya xalqının və azad Suriyanın yanındayıq deyib.
O, Suriyada hər kəsi əhatə edən əhatəli bir prosesi gözlədiklərini, ölkəsinin BMT və müəyyən təşkilatlar vasitəsilə suriyalılar üçün 300 milyon avro yardım edəcəyini bildirib.
Suriyanın dinc gələcəyinin ancaq əhatəli siyasi proseslə mümkün olduğunu ifadə edən Baerbok qeyd edib:
"Keçid hökuməti tərəfindən yüzlərlə mülki şəxsə qarşı törədilmiş dəhşətli cinayətlərin hərtərəfli araşdırılması və məsuliyyət daşıyanların məsuliyyətə cəlb edilməsi ilə yanaşı, keçid hökuməti həm də təhlükəsizlik aparatındakı müxtəlif aktorlar üzərində nəzarəti təmin etməlidir. Kürdlərin dövlət və təhlükəsizlik strukturlarına inteqrasiyası vahid Suriya istiqamətində mühüm addımdır, çünki yalnız uzunmüddətli və əhatəli siyasi prosesi təmin edə bilər."
Aytən Yaşar/ Turkustan.az
