ABŞ dövlət katibi Marko Rubio Yəməndə husilərə qarşı hücumlar təşkil etməklə bütün dünyaya yaxşılıq etdiklərini iddia edib.
Turkustan.az xəbər verir ki, ABŞ Dövlət Departamentindən verilən açıqlamaya görə, Rubio CBS News-un "Face the Nation" proqramına verdiyi müsahibədə aktual mövzularla bağlı açıqlamalar verib.
Nazir Rubio Yəməndəki husilərin son 18 ayda ABŞ Hərbi Dəniz Qüvvələrinə 174, ticarət gəmilərinə isə 145 dəfə hücum etdiyini, Husilərin Qırmızı dənizdən hansı gəmilərin keçdiyinə, hansının keçməyəcəyinə nəzarət etməsinə icazə verməyəcəklərini bildirib.
O, keçmiş prezident Bayden administrasiyasının hamısının hücuma cavab verdiyini söyləyib və əlavə edib: "Bu adamları və onların qlobal gəmiçilik qabiliyyətini aradan qaldırmaqla bütün dünyaya yaxşılıq edirik".
ABŞ-ın Çinin ikinci və üçüncü ən böyük ixrac bazarları olan Kanada və Meksikaya tətbiq etdiyi tariflərin Pekinə faydası olub-olmayacağı ilə bağlı suala Rubio bildirib ki, Çin və Kanada “mini ticarət müharibəsi” ilə məşğuldur.
ABŞ prezidenti Donald Trampın qlobal ticarət balansının tamamilə alt-üst olduğuna inandığını bildirən katib ölkələrin 30-40 ildir ABŞ-ın qlobal ticarətdə ədalətsiz davranmasına icazə verdiyini qeyd edib.
Aytən Yaşar/ Turkustan.az
