Aİ-nin 27 üzvü dövlət və hökumət başçılarını martın 20-də Brüsseldə bir araya gətirəcək növbəti sammitə hazırlıqlarını davam etdirir.
Turkustan.az xəbər verir ki, AB Şurası mənbələrindən alınan məlumata görə, Şura sədri Antonio Kostanın rəhbərlik etdiyi bəzi sessiyalara Birləşmiş Millətlər Təşkilatının (BMT) baş katibi Antonio Quterres də qatılacaq.
Sammitdə Aİ Komissiyasının sədri Ursula fon der Leyen, Avropa İttifaqının xarici işlər və təhlükəsizlik siyasəti üzrə ali nümayəndəsi Kaja Kallas və Avropa Parlamentinin sədri Roberta Metsola da iştirak edəcək.
Martın 6-da Brüsseldə Avropanın müdafiəsi və Ukraynaya davamlı dəstək üzrə fövqəladə sammitin nəticələrinin də müzakirə olunacağı görüşün əsas gündəm bəndi rəqabətqabiliyyətlilik olacaq.
Donald Tramp ABŞ-da ikinci müddətə prezident seçilməzdən əvvəl rəqabətqabiliyyətlilik AB-nin gündəmində yüksək yer tuturdu.
Aİ öz təhlükəsizliyinin iqtisadi artımdan, rəqabətədavamlılığından, innovasiyalardan və istehsal gücünün artırılmasından asılı olduğuna inanırdı və diqqəti bu sahələrə yönəltməyi planlaşdırırdı.
Bununla belə, Trampın Aİ-nin müdafiə sərmayələrinin artırılmasına təkan verməsi və Ukraynada müharibə başa çatdıqdan sonra təhlükəsizlik zəmanətlərinin Avropa tərəfindən təmin edilməsində israr etməsi Aİ-nin prioritetlərini dəyişməsinə səbəb olub.
Təhlükəsizliyə və müdafiəyə diqqət yetirən Aİ, son həftələrdə Paris, London və Brüssel kimi paytaxtlarda keçirilən danışıqların bir hissəsi olub, bəziləri arasında Türkiyə də daxil olmaqla, “həmfikir” ölkələr var.
Bu sammitdə Ukrayna ilə bağlı son hadisələr müzakirə olunacaq. Ukrayna prezidenti Vladimir Zelenski də Aİ liderlərinə müraciət edəcək.
Zelenskinin sammitdə fiziki olaraq iştirak edib-etməyəcəyi hələ planlaşdırma mərhələsindədir.
2022-ci il fevralın 24-də başlayan müharibədən sonra Zelenski, demək olar ki, hər Aİ sammitində şəxsən və ya videokonfrans vasitəsilə iştirak edib.
Aytən Yaşar/ Turkustan.az
