İsrail ordusunun Qəzza zolağına 15 aydır həyata keçirdiyi hücumları iki həftə ərzində yenidən başlamaq üçün hazırlıq gördüyü iddia edilib.
Turkustan.az xəbər verir ki, “İsrail Hayom” qəzeti anonim yüksək rütbəli İsrail rəsmisinə istinadən xəbər verir ki, İsrail ordusu iki həftə ərzində Qəzzaya hücumları bərpa edə bilər.
"Ordunun hazırlıqları iki həftə ərzində əvvəlki vəziyyətə qayıtmağa imkan verir. Bura şimala qayıdan (Fələstin) əhalinin yenidən humanitar zonaya köçürülməsi daxildir". İsrail rəsmisi sözlərini belə davam etdirib:
"İsrail ordusu elementləri Netzarim dəhlizi boyunca tərk etdikləri mövqelərə qayıdacaqlar və indiyə qədər daxil olmuş konteyner evləri (humanitar yardımın bir hissəsi kimi) çox güman ki, əsgərlərin yerləşdirilməsi və ya məhv edilməsi üçün istifadə olunacaq".
İsrail rəsmisi bunun İsrailin Qəzzada atəşkəs və məhbus mübadiləsi razılaşmasının ikinci mərhələsini müzakirə etməyəcəyi anlamına gəlmədiyini iddia edərək, Təl-Əviv hökumətinin hücumlarına son qoymaq üçün Qəzzada silahlı ünsürlərin qalmaması, HƏMAS-ın bölgədəki hakimiyyətinə son qoyulması və hərəkatın liderlərinin Qəzza zolağından uzaqlaşdırılması kimi şərtlər irəli sürəcəyini müdafiə edib.
İsrailin yüksək rütbəli rəsmisi həmçinin bildirib ki, Təl-Əviv hökuməti hazırda Qəzzada atəşkəs və məhbusların mübadiləsi razılaşmasının birinci mərhələsinin uzadılmasına diqqət yetirir.
İsrail rəsmisi Qəzzada bu il yanvarın 19-da qüvvəyə minən atəşkəs və əsir dəyişdirmə razılaşmasının birinci mərhələsinin tamamlanması və Qəzzada 24 noyabr 2023-cü ildə dörd gün müddətinə verilən və daha sonra üç gün müddətinə uzadılan qarşıdurmalarda "humanitar fasilə" ilə çox sayda israilli məhbusun geri qaytarıldığını bildirib.
İsrail rəsmisi bu açıqlama ilə çıxış edib:
"Əsir mübadiləsi çox baha başa gəldi, lakin atəşkəs dövründə Qəzza zolağında atılan bütün addımlar geri qaytarıla bilər. İkinci mərhələ müharibənin bitdiyini elan etməkdən ibarətdir və Qəzzada baş verən hər şey geri dönməz olacaq".
Aytən Yaşar/ Turkustan.az
