Ölkənin idarə olunmasında Vatikanda yeganə səlahiyyət sahibi olan və Katolik Kilsəsinin başçısı olan Papa xəstələndikdə və ya vəzifəsini yerinə yetirə bilməyəndə dövlətin və kilsənin inzibati fəaliyyəti müəyyən qaydalar çərçivəsində fasiləsiz davam edir.
Turkustan.az xəbər verir ki, təxminən 1,2 milyard üzvü olan Katolik Kilsəsinin ruhani lideri və Vatikanın prezidenti Papa Fransisk bir müddətdir ki, tənəffüs yoluxucu xəstəliklərlə mübarizə aparır.
Ayın əvvəlindən ağır bronxitdən əziyyət çəkərək fevralın 14-də Romadakı Gemelli Xəstəxanasına müraciət edən və ikitərəfli pnevmoniya diaqnozu ilə orada müalicəsini davam etdirən Papa Fransisin vəziyyəti bir müddət "mürəkkəb" olsa da, son günlərdə cüzi yaxşılaşma əlamətləri görünməyə başlayıb.
Kilsə qanunlarına görə, seçildiyi andan ölümünə qədər və ya müstəsna hallarda istefa verdiyi günə qədər vəzifəsində qala bilən Papa sağ ikən və vəzifədə olduğu müddətdə kilsənin idarə olunmasında yeganə və mütləq səlahiyyət sahibidir.
Buna görə də, hazırda xəstəxanada həyatı uğrunda mübarizə aparan Papa Fransisk Vatikan üçün bütün məsələlərdə yeganə səlahiyyətli şəxsdir və istefa vermədiyi təqdirdə onun xəstəliyi səbəbindən vəzifədən uzaqlaşdırılmasını tələb edən heç bir tənzimləmə yoxdur.
Papa xəstəxanada olduğundan, Katolik Kilsəsinin və Vatikan Dövlətinin gündəlik inzibati işini kilsənin Papa Kabineti (Kuriya) kimi tanınan hökumət həyata keçirir.
Aytən Yaşar/ Turkustan.az
