Kanadanın baş naziri Castin Trudo ölkəsinin və müttəfiqlərinin hər zaman Ukraynanın yanında olduğunu bildirib.
Turkustan.az xəbər verir ki, Trudo X sosial media platformasındakı paylaşımında vurğulayıb ki, ukraynalılar təkcə öz suverenliklərini və ərazi bütövlüyünü qorumaq üçün deyil, həm də təxminən 80 ildir ki, dünyada hər kəsin təhlükəsizliyini təmin edən qaydalara əsaslanan nizamı qorumaq üçün mübarizə aparırlar.
"Buna görə də Kanada və müttəfiqlərimiz Vladimir Putinin beynəlxalq asayişin qeyri-qanuni, əxlaqsız və ədalətsiz pozulmasına qarşı dəqiq düşüncədədirlər" - deyən Trudo, Rusiyanın sərhəd qaydalarını qəsdən pozduğunu əlavə edib.
O, Kanadanın həmişə Ukraynanın yanında olduğunu və "Ukraynanı və dünyanı təhlükəsiz saxlayan qaydaları" müdafiə etmək barədə danışmaq üçün avropalı tərəfdaşlarla görüşməyi səbirsizliklə gözlədiyini bildirib.
Aytən Yaşar/ Turkustan.az
