ABŞ prezidenti Donald Tramp və ABŞ Hökumətin Səmərəliliyi Departamentinin (DOGE) rəhbəri milyarder İlon Mask birgə müsahibədə medianın “aralarında gərginlik yaratmaq” səylərini müzakirə ediblər.
Turkustan.az xəbər verir ki, fevralın 18-də FOX News-da yayımlanacaq xüsusi müsahibənin ilkin baxışında Tramp medianın onunla Mask arasında gərginlik yaratmaq cəhdlərini tənqid edərək, bu səylərin nəticə vermədiyini deyib.
"Mən bunu hər zaman görürəm. İlon mənə zəng edib: "Bilirsən, onlar bizi bir-birimizdən ayırmağa çalışırlar" dedi". Bunu Tramp FOX News tərəfindən yayımlanan qısa videoda deyib.
Tramp həmçinin, "Son xəbərimiz var, Donald Tramp prezidentlik səlahiyyətlərini İlon Maska təhvil verib. Prezident Mask saat 08:00-da Nazirlər Kabinetinin iclasında iştirak edəcək"-deyərək, Mask haqqında yayılan xəbərləri sözləri ilə ələ salıb.
Amerika lideri tarixdə heç kimin mediada onun qədər təhqir olunmadığını iddia edib.
Aytən Yaşar/ Turkustan.az
