Qəzzada əldə edilən əsir mübadiləsi razılaşması çərçivəsində fələstinlilərin azad edilməsi prosesi başlayıb.
Turkustan.az xəbər verir ki, 110 fələstinlini daşıyan Qırmızı Xaç karvanı İsrailin Ofer həbsxanasından çıxıb.
Fələstinliləri daşıyan avtobus həbsxanadan çıxdıqdan sonra fələstinlilərlə İsrail qüvvələri arasında qarşıdurma yaşanıb və İsrail qüvvələri gözyaşardıcı qazdan istifadə edib.
Konvoy işğal altındakı İordan çayının qərb sahilindəki Ofer Hərbi Həbsxanasından ayrılaraq Ramallah istiqamətinə yönəlib.
Fələstinlilər işğal altındakı İordan çayının qərb sahilinin Ramallah şəhərinin Beytunya qəsəbəsində məhbus mübadiləsinin üçüncü turunda azad edilən məhbusları qarşılamaq üçün toplaşıb.
Aytən Yaşar/ Turkustan.az
