ABŞ prezidenti Tramp Ağ Evdə imzalanma mərasimindən sonra gündəmlə bağlı sualları cavablandırıb.
Turkustan.az xəbər verir ki, Donald Tramp Rusiya-Ukrayna müharibəsinin ən qısa zamanda bitməli olduğunu və tezliklə Rusiya prezidenti Vladimir Putinlə görüşə biləcəyini qeyd edərək, “Ukrayna prezidenti Vladimir Zelenski bu müharibəni dayandıracaq razılaşmanı müzakirə etməyə hazırdır"-deyə, bildirib.
AA xəbərinə görə; Rusiya-Ukrayna müharibəsinin çox mənasız bir müharibə olduğunu və bunun bir an əvvəl bitməsi lazım olduğunu vurğulayan Tramp, "Putinin mənimlə tez bir zamanda görüşmək istədiyini eşitdim. Dərhal görüşəcəm. İkinci Dünya Müharibəsindən bəri belə bir müharibə görülməyib. Bu müharibəni bitirmək gözəl olardı"-deyə, vurğulayıb.
Ukrayna prezidenti Zelenskinin danışıqlara hazır olub-olmaması ilə bağlı sualı cavablandıran Tramp, "Zelenski bu müharibəni dayandıracaq razılaşmanı müzakirə etməyə hazırdır. Həm Ukrayna, həm də Rusiya həddən artıq çox əsgər itirib" deyib.
Aytən Yaşar/ Turkustan.az
