Trampın sərhəd təhlükəsizliyini vurğuladığı bir vaxtda ABŞ-Kanada sərhədində gərginlik...
Turkustan.az xəbər verir ki, ABŞ mətbuatında yer alan xəbərlərə görə, ABŞ-ın Vermont ştatının Kanada ilə sərhədində yerləşən Koventri şəhərinin dövlətlərarası magistral yolunda polislə iki naməlum silahlı hücumçu arasında qarşıdurma baş verib.
Səlahiyyətlilər Kanada sərhədindən 32 kilometr aralıda baş verən qarşıdurmada bir ABŞ polisi və bir şübhəlinin öldürüldüyünü, digərinin isə yaralandığını açıqlayıb.
Hadisə ilə bağlı təhqiqatı Federal Təhqiqatlar Bürosu (FTB) aparacaq.
Tramp ABŞ sərhədlərindən narkotik və immiqrant axını dayandırmasalar, Kanada və Meksikadan gələn bütün məhsullara 25 faiz gömrük rüsumunun tətbiq ediləcəyi ilə hədələmişdi.
Aytən Yaşar/ Turkustan.az
