ABŞ Prezidenti Donald Tramp X-də rəsmi prezident hesabı olan POTUS-da ilk paylaşımını edib və “Amerika geri döndü” deyib.
Turkustan.az xəbər verir ki, Tramp yazısına belə davam edib: "Vücudumdakı hər nəfəslə sizin üçün hər gün mübarizə aparacağam. Uşaqlarımızın layiq olduğu və sizin də layiq olduğunuz güclü, təhlükəsiz və firavan Amerikanı sizə verməyənə qədər dincəlməyəcəyəm. Bu, həqiqətən Amerikanın qızıl dövrü olacaq".
Trampın əvvəlki prezidentliyindən bəzi görüntülərin yer aldığı 35 saniyəlik tanıtım videosunun da yer aldığı paylaşımı qısa müddətdə 6 milyon dəfə izlənilib.
Digər tərəfdən, Ağ Evin saytında Trampın barmağı ilə irəli göstərən portreti və “Amerika geri döndü” sözləri var.
Aytən Yaşar/ Turkustan.az
