Rusiya Dövlət başçısı ABŞ-ın seçilmiş prezidenti və onun komandasının Moskva ilə birbaşa əlaqələri bərpa etmək istəyini qeyd edib.
Turkustan.az xəbər verir ki, Rusiya prezidenti Vladimir Putin ABŞ prezidenti Donald Trampı andiçmə mərasimi münasibətilə təbrik edib. Bu barədə Rusiya dövlətinin başçısı Təhlükəsizlik Şurasının üzvləri ilə operativ müşavirədə bildirib.
“Biz ABŞ-ın yeni seçilmiş prezidentinin və onun komandasının üzvlərinin Rusiya ilə birbaşa əlaqəni bərpa etmək istəyi ilə bağlı bəyanatını görürük, bizim heç bir günahımız olmadan gedən administrasiya tərəfindən əlaqələrimiz kəsilib, indi isə əksini etmək üçün çalışmalıyıq.
Əlbəttə ki, biz bu münasibəti alqışlayırıq və Amerika Birləşmiş Ştatlarının seçilmiş prezidentini vəzifəyə başlaması münasibətilə təbrik edirik”.
Aytən Yaşar/ Turkustan.az
