ABŞ-ın yeni seçilmiş prezidenti Donald Tramp Qəzzada atəşkəsə əməl edilməli və məhbusların azad edilməli olduğunu vurğulayaraq, "yaxşı idarəçilik"lə atəşkəsin qorunub saxlanmasını təmin edəcəklərini bildirib.
Turkustan.az xəbər verir ki, Tramp "NBC News"-da yayımlanan proqramda Qəzzadakı atəşkəslə bağlı son vəziyyəti dəyərləndirib.
Administrasiyasının Qəzzada atəşkəsin davam etməsini necə təmin edəcəyi ilə bağlı sualı cavablandıran Tramp: "Biz bunu yaxşı idarəçiliklə təmin edəcəyik. ABŞ-a yenidən hörmət edilməlidir. Mənim istifadə etdiyim əsas söz hörmətdir. Əgər bizə hörmət etsələr, bu atəşkəs prosesi davam edəcək"-deyə, bildirib.
AA xəbərinə görə; Atəşkəs razılaşması qüvvəyə mindiyi zaman əsirlərin azad ediləcəyini qeyd edən Tramp, "Əsirləri çox yaxında azad edəcəyik, bu yaxşı olardı" deyib.
Tezliklə yenidən Netanyahu ilə görüşəcəyini deyən Tramp görüşün təfərrüatları ilə bağlı məlumat verməyib.
Aytən Yaşar/ Turkustan.az
