ABŞ-ın Kaliforniya ştatında növbəti yanğın baş verib. Elektrik stansiyasında baş verən yanğınla əlaqədar yüzlərlə insanın təxliyyə edilməsi əmri verilib.
Turkustan.az xəbər verir ki, elektrik stansiyasından çıxan alov kifayət qədər güclüdür. Bildirilir ki, yanğın baş verən yerə yanğınsöndürənlər gəlib və yanğına müdaxilə ediblər.
Səlahiyyətlilər ərazidə yaşayanlar üçün evakuasiya əmri verərkən, bir az uzaqda yaşayan insanlara pəncərə və qapıları bağlamaq əmrini verdilər.
Yanğının nədən baş verdiyi və xəsarət alanların olub-olmaması barədə hələlik məlumat paylaşılmayıb. Bununla belə, günlərlə nəhəng yanğınlarla mübarizə aparan Kaliforniyalılar təşviş içindədir.
Aytən Yaşar/ Turkustan.az
