ABŞ-ın yeni seçilmiş prezidenti Donald Tramp tərəfindən Milli Təhlükəsizlik Müşaviri vəzifəsinə namizədliyi irəli sürülən Mayk Vals Tramp və Rusiya prezidenti Vladimir Putin arasında planlaşdırılan görüşə hazırlıqların davam etdiyini bildirib.
Turkustan.az xəbər verir ki, Tramp və Putin arasında mümkün görüşlə bağlı Vals ABC News-a deyib ki, “Hazırlıqlar davam edir”.
Trampın Rusiya-Ukrayna müharibəsinin tezliklə sona çatması üçün addımlar atacağını ifadə edən Vals, "Prezident Trampın nöqteyi-nəzərindən qarşı tərəflə əlaqə və dialoq qurmadan razılığa gələ bilməzsiniz. Önümüzdəki aylarda bunu mütləq edəcəyik"-deyə, bildirib.
Tramp administrasiyasının Rusiya-Ukrayna müharibəsinin diplomatik yollarla bitməli olduğunun fərqində olduğunu bildirən Vals atəşkəsin hər iki tərəf üçün son dərəcə müsbət addım olacağını qeyd edib.
Waltz həmçinin Qəzzada əsirlərin azad edilməsinə dair razılaşma üçün danışıqların "hazırda davam etdiyini" bildirərək əlavə edib ki, Tramp əsirlərin azad edilməsinə çox ciddi yanaşır, ona görə də yanvarın 20-də seçilən prezidentin andiçmə mərasimindən əvvəl əldə edilmiş razılaşmanı görmək vacibdir".
Yeni liderin Qrenlandiya və ya Panama kanalına nəzarəti ələ keçirmək üçün hərbi gücdən istifadə etməkdə ciddi olub-olmaması ilə bağlı suala Waltz deyib ki, Trampın ən ciddi qəbul etdiyi məsələ ABŞ-ın Arktika regionunda üzləşdiyi “təhlükələr”dir.
"O, Birləşmiş Ştatların güclü şəkildə müdafiə olunmasına əmin olmaq üçün böyük, cəsarətli addımlar atmağa hazırdır".
Aytən Yaşar/ Turkustan.az
