Bayden Ağ Evdəki mətbuat brifinqində Qəzzadakı son vəziyyətə toxunub.
Turkustan.az xəbər verir ki, ABŞ prezidenti Co Bayden Qəzzada atəşkəsə nail olacağına ümid etdiyini və bu məsələdə irəliləyiş əldə etdiklərini vurğulayıb.
AA xəbərinə görə; Bayden, "Ümid edirəm ki, məhbus mübadiləsi sazişi bağlaya bilərik. Biz Qəzzada atəşkəslə bağlı real irəliləyiş əldə edirik" deyə, bildirib.
Livanda prezident seçilən Cozef Avn ilə də görüşdüyünü və onu təbrik etdiyini də bildirən Bayden Avnın uğurlu olacağına inandığını qeyd edib.
Aytən Yaşar/ Turkustan.az
