ABŞ-ın 47-ci prezidenti seçilən Donald Tramp 11 gün sonra vəzifəsinin icrasına başlayacaq.
Turkustan.az xəbər verir ki, yanvarın 20-də Trampın andiçmə mərasimi üçün toplanan ianələrin məbləği rekord həddə çatıb və 170 milyon dolları keçib. Bildirilib ki, Tramp üçün toplanan ianələrin məbləği 4 il əvvəl hazırkı prezident Co Baydenin mərasimi üçün toplanan təxminən 62 milyon dollardan az qala 3 dəfə çox olub.
Səlahiyyətli andiçmə mərasiminə hazırlıqla məşğul olan komitənin yanvarın 20-dək 200 milyon dollardan çox ianə toplayacağı proqnozlaşdırıb və mərasim xərclərindən artıq qalan pulun prezident kitabxanasına yönəldilməsinin planlaşdırıldığı bildirib.
Prezidentin inauqurasiyası üçün alınan ianələr mərasimlə bağlı paradlar və müxtəlif tədbirlərin xərclərini ödəmək üçün istifadə olunur.
Aytən Yaşar/ Turkustan.az
