Tramp Netanyahu ilə bağlı gözlənilməz addım atıb.
Turkustan.az xəbər verir ki, Donald Tramp özünün sosial media platforması olan "Truth Social"-da Kolumbiya Universitetinin Davamlılıq Mərkəzinin direktoru Cefri Saksın İsrailin baş naziri Binyamin Netanyahunun Yaxın Şərq siyasətini tənqid etdiyi videosunu paylaşıb.
Trampın paylaşdığı videoda Saks 2003-cü ildə İraqa müdaxilənin səbəbləri ilə bağlı qiymətləndirmələr aparır.
Saks, "Bu müharibə haradan çıxdı, bilirsinizmi? Bu olduqca təəccüblüdür. Bunu əslində Netanyahu başlatdı"-deyə, vurğulayıb. O, Netanyahunu ABŞ-ın xarici siyasətinə rəhbərlik etməkdə və Yaxın Şərqdə “sonsuz müharibələr”ə səbəb olmaqda ittiham edib.
"1995-ci ildən Netanyahu düşünürdü ki, Həmas və Hizbullahdan qurtulmağın yeganə yolu İraq, Suriya və İran kimi onları dəstəkləyən hökumətləri devirməkdir. O, bizi sonsuz müharibələrə sürüklədi və ABŞ siyasətindəki təsiri sayəsində həmişə istədiyinə nail oldu, lakin 2003-cü ildəki bu müharibə tamamilə saxtadır".
Saks Netanyahunu ağır şəkildə təhqir edərək, "Netanyahu vəsvəsəlidir, hətta bu gün də bizi İranla müharibəyə sövq edir" deyib.
Trampın bu paylaşımı ABŞ-İsrail münasibətlərində yeni dövrlə bağlı müzakirələrə səbəb olub.
Aytən Yaşar/ Turkustan.az
