“Məlum olduğu kimi, 2026-cı ildə Ermənistanda parlament seçkiləri keçiriləcək. O vaxta qədər Nikol Paşinyana müsbət nəticələr lazımdır. Bu müsbət nəticə isə Azərbaycanla əldə edilmiş sülh müqaviləsi, sərhədlərin açılması, nəhayət, müharibə təhlükəsinin olmamasıdır. Sadalananlar Paşinyan üçün vacib amillərdir”.
Bu fikirləri Bakupost.az -a politoloq Zərdüşt Əlizadə bildirib.
O qeyd edib ki, əgər sadalananlar öz həllini taparsa, onda Paşinyanın partiyasına seçkilərdə qələbə qazanmaq imkanı yaranacaq:
"Bundan başqa variant yoxdur. Çünki Azərbaycanla yeni müharibə Ermənistanın məğlubiyyəti və nəhayət, Paşinyanın növbəti seçkilərdə uduzması deməkdir. Bu mənada sülh Azərbaycandan çox Ermənistana lazımdır”.
