ABŞ-nin Kaliforniya ştatında güclü meşə yanğınları davam edir.
Turkustan.az xarici mediaya istinadən xəbər verir ki, yanğın hazırda 11 min hektar ərazini əhatə edir.
5 nəfərin həlak olduğu təbii fəlakət səbəbindən çox sayda ev, tikili və avtomobil yanaraq külə dönüb.
Los-Anceles yanğınsöndürmə xidməti Hollivud yaxınlığında yaşayan sakinlərin təxliyəsi barədə göstəriş verib. Bu tədbirlər çərçivəsində 100 mindən çox insan evini tərk edəcək.
Bununla yanaşı, 175 min nəfərin işıqsız qaldığı məlum olub.
“AccuWeather” konsaltinq şirkətinin proqnozlarına görə, meşə yanğınlarının vuracağı zərər və iqtisadi itkilər 52 milyard dollardan 57 milyard dollara qədər təşkil edə bilər.
Sosial şəbəkələrdə Kaliforniyadan yayılan görüntülərdə yanğının miqyasını və dəhşətini görmək mümkündür.
Həmin görüntüləri təqdim edirik:
/Qafqazinfo/
