Olaf Şolz Trampın iddialarına etiraz edib.
Turkustan.az xəbər verir ki, Almaniya kansleri Olaf Şolz ABŞ-ın 47-ci prezidenti Donald Trampın Kanada, Qrenlandiya və Panama ilə bağlı iddialarından narahat olduğunu bildirib.
O, X sosial şəbəkəsində verdiyi açıqlamada, "Sərhədlər zorla dəyişdirilməməlidir. Bu istər Qərbdə, istərsə də Şərqdə bütün ölkələr üçün keçərli olmalıdır. Avropalı tərəfdaşlarımızla söhbətlərimizdə ABŞ-dan gələn ritorika bizi narahat edir. Aydındır ki, biz birlik olub, dik durmalıyıq" - deyə, bildirib.
Rusiya prezidenti Vladimir Putinin Ukraynaya qarşı müharibəsində şiddət tətbiq edərək sərhədlərin dəyişdirilməməsi prinsipini pozduğunu bildirən Şolz, "Bunu bir dönüş nöqtəsi kimi qiymətləndirdim. Çünki müharibə Avropanın ürəyinə qayıtdı" dedi.
Aytən Yaşar/ Turkustan.az
