Suriyada yeni hakimiyyəti kürdlər də daxil olmaqla, ölkənin yenidən qurulmasında tam iştirak etməli olan bütün icmaların siyasi keçiddə iştirakını təmin etməlidir.
Turkustan.az xəbər verir ki, bunu Fransanın xarici işlər naziri Jan-Noel Barrot Parisdə ABŞ dövlət katibi Antoni Blinkenlə birgə mətbuat konfransında deyib.
O, iddia edib ki, “Suriya kürdləri radikal islamçılar və terrorizmlə mübarizədə ABŞ və Fransanın sadiq və qətiyyətli müttəfiqləridir”. Barro Suriyada "siyasi və iqtisadi" bərpanın baş tutacağına ümid etdiyini bildirib, lakin qeyd edib ki, bu, yalnız "bütün icmalar siyasi keçid prosesində öz yerini tapdığı" halda mümkündür: “Və bu siyasi keçiddə Suriya kürdləri də öz yerlərini tapmalıdırlar. Kürdlərin ölkənin yenidən qurulması prosesində tam iştirakına imkan vermək Suriyanın gələcəyinin maraqlarına uyğun olardı”. /Musavat.com/
