Çin alimləri son dərəcə dəqiq atom saatları hazırlayıblar. Bu saatlar hərbi əməliyyatlara yanaşmanı necə dəyişəcək?
Çin alimləri inanılmaz dəqiqliklə atom saatı yaradıblar, hətta sərt şəraitdə daşındıqda belə bu saatların xətası 0,2 katrilyon saniyədən çox olmayacaq.
Turkustan.az bu barədə “South China Morning Post”-a istindən yazır. Məlumata görə, sezium əsaslı bu saatlar müharibənin aparılması üsulunu əhəmiyyətli dərəcədə dəyişdirə və hərbi əməliyyatların effektivliyinə əhəmiyyətli dərəcədə təsir göstərə bilər.
Saat kiçik bir soyuducu ölçüsündədir (hündürlüyü təxminən 1,5 metrdir) və daşına bilir. Onu hərbi yük maşınına yükləmək və döyüş bölgəsinə aparmaq olar.
Atom saatları kobud yollarda və digər sərt şəraitdə daşındıqda belə, 0,2 katrilyon saniyə ərzində dəqiqdir. Bu dəqiqlik həqiqətən də çox yüksək hesab olunur: yaxın vaxtlara qədər belə bir dəqiqliyə yalnız Beynəlxalq Standart Saatı təyin edən atom saatlarının nail olacağı deyilirdi.
Saat peşəkar texniki xidmətə ehtiyac olmadan uzun müddət işləyə bilər.
Bu saatlar müharibəyə necə təsir edə bilər?
Ekspertlərin fikrincə, bu atom saatları hərbi münaqişələrdə yeni texnologiyaların əsasını təşkil edir. Avadanlıqları dəqiq əlaqələndirmək və avtonom şəkildə idarə etmək bacarığı yüksək texnologiyalı qarşıdurmalarda strateji üstünlük təmin edə bilər.
Radar koordinasiyası
Dəqiq vaxtlama sayəsində bir-birindən minlərlə mil məsafədə yerləşən radarlar sinxron şəkildə işləyə bilər ki, bu da gizli qırıcıların aşkarlanması və izlənilməsi üçün xüsusilə vacibdir.
Elektron müharibə
Qurğu elektron müharibə sistemlərində siqnalların keyfiyyətini yaxşılaşdıraraq onları müdaxilələrə qarşı daha davamlı edir.
Məlumat ötürülməsi
Yüksək dəqiqlik real vaxtda böyük həcmli məlumatların səmərəli ötürülməsini asanlaşdırır. /Cebheinfo.az/
