Trampın otelinin qarşısında partlayış baş verib.
Turkustan.az xəbər verir ki, yeni ilin ilk günü Las-Veqasda Tramp otelinin qarşısında Tesla markalı avtomobil partlayaraq yanıb. Maşında olan şəxs ölüb, yaxınlıqdakı 7 nəfər yüngül xəsarət alıb.
ABŞ mətbuatına məlumat verən rəsmilər, avtomobildəki şəxsin ABŞ ordusundan Metyu Alan Livelsberger olduğunu açıqlayıb.
Livelsbergerin qeydlərində onun “itirdiyi qardaşlardan beynini təmizləməli və aldığı həyatların yükündən qurtulmalı olduğu” ifadə edildi.
Qeydlərdə deyilirdi: "Bu, terror hücumu deyil, oyanış zəngidir. Amerikalıları yalnız nümayişlər və zorakılıq maraqlandırır. Fikrimi çatdırmaq üçün partlayıcılarla nümayişdən daha yaxşı nə ola bilər?".
Bildirilib ki, ABŞ-ın “ölümcül xəstə olduğu və çökməyə doğru getdiyi” yazılan qeydlərdə Ukraynadakı müharibə ilə bağlı açıqlamalar da yer alıb.
Hadisə ilə bağlı danışan digər rəsmilər ələ keçirilən qeydlərdə Livelsbergerin Trampa qarşı “düşmənçiliyi”nə dair heç bir dəlil olmadığını bildiriblər.
Aytən Yaşar/ Turkustan.az
