Əhməd Şara növbəti görüşünü keçirib.
Turkustan.az xəbər verir ki, Suriyada yeni administrasiyanın rəhbəri Əhməd Şara çərşənbə axşamı, dekabrın 31-də Suriya xristian icmasının nümayəndələri ilə görüşüb. Əhməd Şara görüş zamanı azlıqlara qarşı heç bir ayrı-seçkiliyin olmayacağını vurğulayıb.
Şara ələvilər də daxil olmaqla heç bir azlığa qisas və kin hissi ilə yanaşmayacaqlarını, əhatəli siyasət yürüdəcəklərini bildirib.
O, əvvəlki müsahibələrində Suriyanın Əfqanıstandan fərqli olduğunu, fərqli etnik və dini qruplardan ibarət olduğunu bildirmiş və Suriyanın idarəçiliyinin Suriya sosiologiyası ilə uyğunlaşacağını vurğulamışdı.
Bildirək ki, Suriyalı xristianlar daha çox paytaxt Dəməşq və Hələb ətrafında yaşayırlar.
Aytən Yaşar/ Turkustan.az
