Humanitar uçuşlar Aİ-nin Dubaydakı anbarlarından cəmi 50 ton tibbi ləvazimat çatdıracaq və yaxın günlərdə sərhədlərarası paylanma üçün Adanaya aparılacaq.
Turkustan.az xəbər verir ki, Avropa Komissiyası (AK) Suriya əhalisinə təcili humanitar yardımın çatdırılması üçün hava əməliyyatına başlayır. Bu barədə AK mətbuat xidməti məlumat yayıb.
“Avropa Komissiyası təcili tibbi yardım və digər zəruri ləvazimatları çatdırmaq və humanitar maliyyəni artırmaq üçün Suriyada ən çox ehtiyacı olanlara yeni humanitar yardım əməliyyatına başlayır”-deyə, AK bəyanatında deyilir.
Humanitar uçuşların Dubaydakı AB anbarlarından cəmi 50 ton tibbi ləvazimat gətirəcəyini və yaxın günlərdə sərhədlərarası paylanma üçün Adanaya aparılacağını açıqladı. “Aİ-nin Danimarkadakı başqa bir anbarından daha 46 ton sağlamlıq, təhsil və mənzil ləvazimatları Adanaya daşınacaq və Suriyada paylanmaq üçün UNICEF və Ümumdünya Səhiyyə Təşkilatına veriləcək”-deyə, AK əlavə edib.
Avropa Komissiyası Bəşər Əsədin hakimiyyətinin sona çatmasının təkcə dəyişikliklər deyil, həm də risklər və çətinliklər gətirdiyini vurğulayan prezidenti Ursula fon der Leyendən sitat gətirir. "Bölgədəki vəziyyətin bu qədər kövrək olduğu bir vaxtda Suriya xalqına yardımımız daha vacibdir. Buna görə də biz bu il üçün humanitar maliyyələşdirməmiz 160 milyon avrodan çox artırdıq. Biz həmçinin həyati əhəmiyyət daşıyan humanitar hava körpüsünü işə salırıq. Bu humanitar yardım qida, dərman və sığınacaq kimi ləvazimatlarla təmin olunub”, - deyə o, Türkiyə prezidenti Rəcəb Tayyib Ərdoğanla Suriyaya humanitar yardımın çatdırılmasını müzakirə edəcəyini də əlavə edib.
Aytən Yaşar/ Turkustan.az
