Dünyanın bəzi bölgələrində təyyarələrin turbulensiyaya daha tez-tez düşməsi hava kütlələrinin xüsusi hərəkəti ilə əlaqəlidir.
Böyük Britaniyanın "EasyJet" aviaşirkətinin pilotu Kris "Airalo" elektron SIM-kart satış şirkətinə verdiyi müsahibədə Avropanın turbulans baxımından ən pis aviamarşrutunun Avstriya üzərindən keçdiyini bildirib.
Turkustan.az bu barədə "The Mirror"a istinadən xəbər verir.
"Avstriyanın İnnsbruk şəhəri güclü turbulansla məşhurdur. Dərədə yerləşən bu ərazi, 100 km/saata qədər sürətə çatan güclü küləkləri ilə tanınır. İnnsbruk hava limanı ətrafındakı dar vadilərdən keçən bu küləklər səbəbindən turbulans baxımından məşhurdur. Bu küləklər, xüsusilə dağlıq ərazidə dağ dalğaları yaradır və təyyarələr eniş zamanı ciddi turbulans hiss edirlər", deyə Kris qeyd edib.
Bundan əlavə, Adriatik dənizi sahilləri də yayın sonu və qışın əvvəli dövründə hava şəraitinə görə xoşagəlməz bir zona kimi tanınır.
Kris bildirib ki, Avropada təyyarələr noyabrdan mart ayına qədər olan dövrdə, xüsusilə bu mövsümdə baş verən fırtınalar səbəbindən daha çox turbulansa düşürlər. Eyni zamanda, Alp dağları ətrafındakı hər hansı hava limanı bu dövrdə dağ dalğaları ilə əlaqəli ciddi turbulansla üzləşə bilər.
Kris təyyarə turbulans zamanı uçuşu daha rahat və təhlükəsiz etmək üçün bir neçə məsləhət də verib:
"Əgər uçuşda turbulansdan qaçmaq istəyirsinizsə, təyyarənin ön hissəsinə mümkün qədər yaxın oturun. Çəkisizlik mərkəzinə görə, təyyarənin arxa hissəsində oturduğunuzda hərəkəti daha çox hiss edəcəksiniz". /Qaynarinfo/
