“Putin və Zelenski heç vaxt baş verməməli olan bu dəhşətli müharibədə bataqlığa düşüblər”
ABŞ-ın yeni seçilmiş Prezidenti Donald Tramp bildirib ki, Rusiya Prezidenti Vladimir Putin Ukraynadakı müharibəni bitirməyə hazırlaşmalıdır. Çünki Putin çoxlu insan itirib və uduzub.
“Putin hesab etməlidir ki, müharibəni bitirməyin vaxtıdır, çünki o, məğlub olub. 700 min insan itirilib, sülh olana qədər bu bitməyəcək”, - Tramp “New York Post”a müsahibəsində qeyd edib.
Onun sözlərinə görə, Ukrayna Prezidenti Volodimir Zelenski də müharibəni bitirmək və sülhə nail olmaq istəyir: “Bu, yeni bir şeydir. O, atəşkəs istəyir. Detalları müzakirə etmədik. O, düşünür ki, artıq vaxtıdır”.
Tramp qeyd edib ki, Putin və Zelenski “heç vaxt baş verməməli olan bu dəhşətli müharibədə bataqlığa düşüblər”.
"Mən bu gülünc müharibəni necə bitirmək barədə bir konsepsiya hazırlayıram", - deyə Tramp bildirib, amma təfərrüatları açıqlamayıb.
Qeyd edək ki, bir neçə gün əvvəl Tramp Parisdə Zelenski ilə danışıqlar aparıb. “Axios” mənbələrinə görə, ABŞ-ın yeni Prezidenti əvvəlcə Ukrayna lideri ilə görüşmək istəməsə də, sonradan söhbəti “yaxşı və səmərəli” adlandırıb. O, Zelenskinin “razılaşmaq” istəyini bildirib və Putini “hərəkət etməyə” çağırıb.
Eyni zamanda, Zelenski Trampla görüşdən sonra müharibənin “sadəcə bir kağız parçası və bir neçə imza ilə” bitəcəyini istisna edib: “Rusiya ilə effektiv sülhdən danışarkən, ilk növbədə sülhün effektiv təminatlarından danışmalıyıq. Ukraynalılar sülhü hamıdan çox istəyir”. /ayna.az/
