Mişel Barni hökumətinin devrilməsindən sonra danışan Fransa prezidenti Emmanuel Makron yeni baş nazirin kim olacağını yaxın günlərdə açıqlayacağını bildirib.
Turkustan.az xəbər verir ki, Fransada Mişel Barnier hökuməti büdcə danışıqlarında fikir ayrılıqlarına görə etimad səsverməsindən sonra istefaya göndərilib. “Le Monde”un xəbərinə görə, hökumətin yıxılacağını proqnozlaşdıran Emmanuel Makron bir həftədir ki, kimi baş nazir təyin edəcəyini düşünür.
Makron dekabrın 5-də axşam verdiyi açıqlamada yeni baş nazirin adını yaxın günlərdə açıqlayacağını bildirib. Makron həmçinin bəyan edib ki, keçid prosesi zamanı dövlətin ümumi fəaliyyətində heç bir problem olmayacaq.
Makron həddindən artıq sağ və həddindən artıq solçuları hökumətin süqutuna görə məsuliyyət daşımaqda və hər iki tərəfi respublika əleyhinə olmaqda ittiham edib. Makron bəyan edib ki, yeni baş nazirin büdcə layihəsi zamanı problem yaşamaması üçün xüsusi qanun qəbul edilməlidir. Parlamentin hazırkı vəziyyətində çoxluğu təmin edə bilməyəcəyini deyən Emmanuel Makron xüsusi üsulların tələb olunduğunu bildirib və xüsusi qanuna işarə edib.
Makron, həmçinin səlahiyyət müddəti ərzində istefa verməyəcəyini və başqalarının məsuliyyətsizliyini üzərinə götürməyəcəyini, günahı müxalif deputatların üzərinə atacağını bildirib. Makron istefa verməsə, 2027-ci ilə qədər Fransa prezidenti vəzifəsini icra edəcək.
Aytən Yaşar/ Turkustan.az
