Paşinyan telefondakı intim yazışmaları oxudu və... - İrəvanda siyasi böhran

Ermənistan hakimiyyəti daxilində telefon böhranı yaranıb.

Turkustan.az xəbər verir ki, hakim “Mülki müqavilə” partiyasının deputatı Ovik Ağazaryanla bağlı insidentdən sonra digər deputatlar baş nazir Nikol Paşinyanın əmri ilə hər an telefonlarının yoxlanılacağı və deşifrə ediləcəyi qorxusuna düşüb.

“Hraparak” nəşri yazır ki, hakim partiyanın deputatları yoxlanılmaq qorxusu ilə telefonlarının yaddaşını silib.

“Məlumatlara görə, Ağazaryanın telefonundan intim danışıqlar tapılıb. Paşinyan qapalı toplantıda Ağazaryanın telefonundan tapılan intim danışıqları şəxsən oxuyub və ondan yerindəcə cavab tələb edib. Partiyanın Ağazaryanın “dövlətin şəxsi məlumatlarının sızması səbəbindən” uzaqlaşdırıldığı barədə yaydığı məlumat da bunu gizlətmək məqsədi daşıyır. Mənbəmiz bildirdi ki, Ovikə qarşı ittihamı eşidən digər deputatlar öz telefonlarındakı yazışmaları siliblər. Bəzi deputatlar silinənlərin qaytarılması ehtimalına qarşı telefonlarını dəyişmək niyyətindədir”, - nəşr yazır./publika.az