ABŞ-ın seçilmiş prezidenti Donald Trampın “bütün qaçqınları geri göndərmək planı” səbəbindən Meksika üzərindən ABŞ-a insan miqrasiyası kritik mərhələdədir.
Turkustan.az xəbər verir ki, Tramp yanvarın 20-də vəzifəyə başlamazdan əvvəl ABŞ-a daxil olmaq istəyən sığınacaq axtaranlar sərhədə axışdı. Meksika administrasiyası 5200 qaçqını həbs etdiyini açıqlasa da, sərhədə miqrasiya artmaqda davam edir.
ABŞ-ın yeni seçilmiş prezidenti Donald Trampın vədlərinə baxmayaraq, minlərlə insan Meksika sərhədini keçməkdə davam edir.
Təxminən 1500 nəfərdən ibarət beşinci miqrant karvanı bu həftə Meksikanın cənub sərhədindən, Tapachula, Chiapasdan yola düşdü. Bu karvanın da məqsədi əvvəlkilər kimi insanları mümkün qədər şimala aparmaqdır.
Hamı qorxur ki, yeni seçilmiş prezident sərhədi bağlayacaq və sənədsiz insanların kütləvi surətdə deportasiyası ilə bağlı verdiyi sözə əməl edəcək.
Bununla belə, son həftələrdə Meksika hakimiyyət orqanları bu insan qruplarını dağıtmaq üçün tədbirlərini artırıb.
Meksika rəhbərliyi ölkə daxilində 5200-dən çox immiqrantı saxladıqlarını və ölkənin yeni ABŞ hökumətinin ABŞ-Meksika sərhədinə gələnlərin qarşısını almaq üçün təzyiq altında olduğu bir vaxtda böyük bir yoxlama apardıqlarını açıqladı.
Aytən Yaşar/ Turkustan.az
