Bir çox Avropa ölkələri Rusiyaya aid edilən təhlükəsizlik təhlükəsi fonunda Üçüncü Dünya müharibəsinə səssizcə hazırlaşır.
Turkustan.az xəbər verir ki, bu barədə “Newsweek” jurnalı yazır.
Onun sözlərinə görə, Avropa NATO ölkələri alyansın ərazisinə hücum təhlükəsini Rusiyaya aid edərək artıq müdafiənin əsasını qoymağa başlayıblar. Jurnal yazır ki, blok həm mümkün total müharibəyə, həm də mümkün münaqişənin inkişafı üçün başqa ssenarilərə hazırlaşmağa çalışır.
Qeyd olunur ki, Avropanın Rusiya Federasiyası ilə müharibəyə hazırlığı ayrı-ayrı ölkələrdə müdafiə xərclərini artırmaq uğrunda mübarizədə özünü göstərir.
Bu hazırlıq çərçivəsində alyansın Baltikyanı ölkələri Rusiya Federasiyası ilə quru sərhədlərini fəal şəkildə möhkəmləndirir və bomba sığınacaqlarını təchiz edirlər. Skandinaviya ölkələri də öz növbəsində kütləvi evakuasiya planları olan broşürlər paylayır.
Jurnal xatırladır ki, Almaniya Berlindəki mühüm bina və tikililəri hücum zamanı qorumaq üçün planlar hazırlamağa başladı və həmçinin Şərqi Avropaya getməyə hazır olan yüz minlərlə əsgər üçün tranzit məntəqəsi rolunu oynamağa hazır olduğunu bildirdi.
Oktyabrın 3-də müdafiə və kosmos üzrə ozamankı gələcək Avropa komissarı Andrius Kubilius “Bloomberg”-ə deyib ki, altı-səkkiz ildən sonra mümkün hesab etdiyi Rusiya ilə qarşıdurma halında Avropa İttifaqı hərbi potensialını artırmalıdır. /Cebheinfo.az/
