İsrail Ordusu Hizbullahın atəşkəsi pozduğu səbəbilə Livana hücuma keçdiyini açıqlayıb. İsrailin baş naziri Netanyahu axşam saatlarında verdiyi açıqlamada Cəbəl əl-Rusa raket hücumuna cavabın sərt olacağını bildirib.
Turkustan.az xəbər verir ki, raket hücumuna cavab olaraq Livanın cənub bölgələrinə hava zərbəsi endirilib.
İsrail ordusu noyabrın 27-də əldə olunan atəşkəsə baxmayaraq, bu gün Livana qarşı hücumlara başladığını açıqlayıb.
İsrail ordusundan verilən yazılı açıqlamada Livana qarşı hücumların başladığı və detalların daha sonra açıqlanacağı bildirilib.
İsrail bu gün axşam saatlarında Livanın cənubundakı bəzi bölgələrə hava zərbələri endirib.
Noyabrın 27-də atəşkəs razılaşmasının qüvvəyə minməsindən sonra İsrail ordusu tərəfindən 2 nəfərin ölümü, 6 nəfərin yaralanması ilə nəticələnən pozuntuların sayı ən azı 73-ə yüksəlib.
- İsrailin atəşkəsi pozması səbəbindən Hizbullah xəbərdarlıq atəşi açıb
Atəşkəsin 6-cı günündə İsrail ordusunun Livanın cənubundakı Mecaiyun və Nabatiye bölgələrində həyata keçirdiyi hücumlar nəticəsində aralarında bir hökumət rəsmisi də daxil olmaqla 2 nəfər ölüb, çoxlu sayda insan yaralanıb, 1 Livan əsgəri isə yaralanıb. ölkənin şimal-şərqində Hermelə edilən hücumda yaralanıb.
Aytən Yaşar/ Turkustan.az
