Almaniya kansleri Kiyevdə səfərdədir.
Turkustan.az xəbər verir ki, Rusiya prezidenti Vladimir Putin Kiyevdə səfərdə olan Almaniya kansleri Olaf Şolz vasitəsilə Vladimir Zelenskiyə heç bir mesaj çatdırmayıb.
Bu barədə Rusiya dövlət başçısının mətbuat katibi Dmitri Peskov məlumat verib.
“Xeyr”, Kreml nümayəndəsi jurnalistlərin Putinin Zelenskiyə nəsə çatdırıb-çatdırmadığı sualına cavab verib.
Bildirək ki, noyabrın 15-də Putin Şolzla telefon danışığı aparıb, Ukraynadakı vəziyyət müzakirə olunub.
Qeyd edək ki, Şolz son iki il yarım ərzində ilk dəfə Kiyevə elan edilməmiş səfər etdi. Almaniya hökumətinin başçısı Vladimir Zelenski ilə görüşəcək. Almaniya kansleri X-də yazıb ki, o, dekabrda Berlinin Ukraynaya 650 milyon avro dəyərində silah tədarük etmək planları barədə Zelenskiyə məlumat verəcək.
Aytən Yaşar/ Turkustan.az
