Ukrayna, 2022-ci ildən bəri davam edən Rusiyanın tammiqyaslı təcavüzü nəticəsində 60-100 min arasında hərbçi itirib, əlavə olaraq 400 minə yaxın əsgər ağır yaralanıb.
Turkustan.az xəbər verir ki, bu barədə "The Economist" yazır.
The Economist qəzetinin verdiyi məlumata görə, məlumatlar Qərb kəşfiyyatı, müdafiə qurumu nümayəndələri, açıq mənbələr və Ualosses saytından alınıb.
Jurnalistlər vurğulayır ki, bu məlumatlar və hesabatlar müstəqil şəkildə təsdiqlənməsi çətin olan məlumatlardır və bəzən müharibədə itən və ya öldü hesab edilən əsgərləri əks etdirmir.
"Bu məlumatlar, ən azı 60.000-100.000 ukraynalı əsgərin öldüyü barədə təxmini təsəvvür yaradır. Ehtimal ki, daha 400.000 nəfər döyüşü davam etdirməyə imkan verməyən ağır yaralar alıb. Bu rəqəmlər, çox az məlumat olan mülki vətəndaşlar arasında ölü sayı ilə bağlı deyil. Çox sayda mülki şəxsin öldüyü güman edilir", – The Economist yazır.
Qəzet həmçinin UAlosses saytına istinad edərək, 2022-ci ildən bəri ən azı 60.435 ukraynalı əsgərin öldüyünü bildirir.
"Bu rəqəmlər, Ukraynanın müharibədən əvvəlki kişilərinin (18-49 yaş) 0,5%-dən çoxunun öldüyünü göstərir. UAlosses məlumatları tam deyil və bütün əsgərlərin yaşı məlum deyil. Gerçəkdə müharibədə ölmüş kişilərin nisbəti daha yüksəkdir. Həmçinin, döyüşü davam etdirə bilməyəcək qədər ağır yaralanmış kişilərin payı daha çoxdur. Əgər hər öldürülən əsgər üçün 6-8 ağır yaralı varsa, demək olar ki, hər 20-ci kişi müharibədə ölüb və ya döyüşü davam etdirə bilməyəcək qədər ağır yaralar alıb", – "The Economist" qeyd edir.
Qəzetin məlumatına görə, bu müddət ərzində Rusiya təxminən 200.000 əsgərini itirib.
Jurnalistlər həmçinin vurğulayır ki, hər iki ölkədə döyüşlərdəki itkilər, ümumi əhali nisbətinə görə, ABŞ-ın Vyetnam və Koreya müharibələrindəki itkilərinin cəmindən daha yüksəkdir.
"Onların döyüş itkiləri, tezliklə ABŞ-ın II Dünya Müharibəsindəki itkilərinə yaxınlaşır. 2022-ci ildən bəri Rusiyanın Ukraynada itkiləri, ona qoşulmuş xarici döyüşçülər daxil edilmədən, 1945-ci ildən bəri bütün müharibələrindəki itkiləri üstələyir", – The Economist yazır.
Əvvəllər The New York Times nəşri bildirirdi ki, Rusiya Ukraynaya qarşı işğalçı müharibə zamanı ağır itkilər verməyə davam edir. Xüsusilə, oktyabr ayında öldürülən və yaralanan işğalçı qüvvələrin sayı tammiqyaslı təcavüzün başlanmasından bəri ən yüksək səviyyəyə çatıb. Eyni zamanda jurnalistlər qeyd edirlər ki, rus ordusunu tükənmiş adlandırmaq çətindir, çünki 2024-cü ilin ilk yarısında Rusiya hər gün təxminən 900 nəfər yeni hərbçi mobilizasiya edə bilib.
Ukrayna Silahlı Qüvvələrinin Baş Qərargahı 27 noyabr səhəri vəziyyətinə görə, Rusiyanın 735.000 itki verdiyini, bunun arasında ölü və yaralıların olduğu bildirilir.
2024-cü ilin fevralında Ukrayna prezidenti Volodimir Zelenski Rusiyanın tammiqyaslı təcavüzü zamanı 31 min ukraynalı hərbçinin öldüyünü bildirmişdi. /qaynarinfo.az/
