Azərbaycanlı iş adamı Adnan Əhmədzadə yenidən diqqət mərkəzinə düşüb.
Turkustan.az xəbər verir ki, o, dostu və "İnter Mayami"nin ulduz futbolçusu Lionel Messiyə bahalı saat hədiyyə edib. Bu barədə Əhmədzadə "Instagram" səhifəsində paylaşım edib.
Onun Leoya hədiyyə verdiyi saat məşhur “Jacob&Co” şirkətinin “Barselona” klubunun 125 illiyi münasibətilə hazırladığı modellərindən biridir. Şirkət bu münasibətlə cəmi 125 saat buraxıb və onların hər birinin üzərində simvolik rəqəmlər əks olunub. Əhmədzadə 10 rəqəmi yazılmış saatı Messiyə hədiyyə edib.
İspaniya mətbuatı saatların minimum qiymətinin 150 min dollar olduğunu yazıb. Lakin bu saatların auksionlarda daha böyük məbləğlərə satıla biləcəyi də qeyd olunub.
