Qarabağ"ın futbolçusu Olavio Juninyonun "Sevilya"ya transferinin bəzi detalları üzə çıxıb.
Turkustan.az xəbər verir ki, İspaniya klubu UEFA Çempionlar Liqasına vəsiqə qazanacağı təqdirdə Azərbaycan çempionuna əlavə ödəniş edəcək. Bu barədə "Relevo" nəşri məlumat yayıb.
Əndəlüs təmsilçisi qitənin bir nömrəli klub turnirinə qatılsa, "köhlən atlar"a 250 min avro ödəyəcək. Eyni zamanda Ağdam klubu 28 yaşlı hücumçunun satışından 20 faiz gəlir əldə etmək hüququna da malik olacaq.
Bu həftə reallaşacağı gözlənilən transferə görə "Sevilya"nın "Qarabağ"a 4 milyon avro ödəyəcəyi güman edilir./publika.az
