Aktyor Azər Baxşəliyev vəfat edib.
Turkustan.az xəbər verir ki, bu barədə onun həmkarı və dostu aktyor İlkin Həsəni paylaşım edib.
Xatırladaq ki, bu gün o, valideyn və ailə üzvlərinin istəyi ilə xəstəxanadan evə aparılıb. Çünki dünən axşamdan etibarən həkimlərin səylərinə baxmayaraq, onun orqanizmi yaşama qabiliyyətini itirib.
Məlumata görə, aktyor bu gün günorta saatlarında Sabunçu qəbiristanlığında dəfn ediləcək.
xxx
Azərbaycan Tibb Universitetinin (ATU) Tədris Cərrahiyyə Klinikasının reanimasiya şöbəsinə yerləşdirilən aktyor Azər Baxşəliyevin son durumu haqqında məlumat verilib.
ATU-nun İctimaiyyətlə əlaqələr şöbəsinin müdiri Günel Aslanova Teleqraf.com-a açıqlamasında bu sözləri deyib:
"Dünən axşamdan etibarən həkimlərin səylərinə baxmayaraq, xəstənin ümumi vəziyyətində geridönməz proseslər baş verib. Poli orqan çatmamazlığı səbəbindən orqanizm yaşama qabiliyyətini itirib. Bu səbəbdən valideyn və ailə üzvlərinin istəyi ilə Azər Baxşaliyev bu gün evə aparılır".
