Bu şəxslər bələdiyyə seçkilərində səs verə BİLMƏYƏCƏK

Bu dəfə də yeddi seçki dairəsinin seçiciləri bələdiyyə seçkilərində səs verə bilməyəcəklər.

Turkustan.az xəbər verir ki, bunu Mərkəzi Seçki Komissiyasının (MSK) dekabrın 2-də keçirilən iclasında qurumun sədri Məzahir Pənahov deyib.

O qeyd edib ki, həmin seçki dairələrinin seçiciləri tamamilə məcburi köçkünlərdən ibarətdir:

"125 seçki dairəsindən 7-si tam məcburi köçkün seçicilərdən ibarətdir. Onlar bu gün proseslərdə iştirak etmir. Heç şübhəmiz yoxdur ki, növbəti bələdiyyə seçkilərində onlar da öz bölgələrində səs verəcəklər. Onlar öz doğma torpaqlarında tamamilə məskunlaşdıqdan sonra orada bələdiyyə seçkiləri keçiriləcək. Bu, böyük hadisə olacaq". /Bizim.Media