ABŞ-ın 25 ştatında COVID-19 virusunun dünyada yayılmağa başlayan XEC adlı yeni ştamına ən azı bir yoluxma qeydə alınıb. Bəzi ştatlarda ştamın xarakterik mutasiyaları ilə yoluxma 15-ə kimi yüksəlib. Xəstəliklərə nəzarət və qarşısının alınması mərkəzləri virusun yanvarın ortalarında pik həddə çatacağını proqnozlaşdırır.
Bu xəbər ictimaiyyətdə narahatlığa səbəb olub. Koronavirusun Azərbaycanda da yenidən yayılması mümkündürmü?
Mövzu ilə bağlı Globalinfo.az-a danışan tanınmış ictimai xadim, Azərbaycan Tibb Universitetinin dosenti Rəşid Mahmudovun sözlərinə görə, qış aylarında Azərbaycanda COVID-19 virusu yayıla bilər.
R.Mahmudov xəstəlikdən qorunma ilə bağlı məsləhət verib:
“Koronavirus elə bir xəstəlikdir ki, əgər xarici ölkəyə gedib-gələn varsa, mütləq kimsə yoluxacaq. Beləliklə də virus yayılmış olacaq. Bilirsiniz, insanlar özlərini qorumalıdırlar. Virus Ph 5-dən 7-yə qədər olanda orqanizmdə qalır. 7-dən yuxarı olduqda isə məhv olur.
Tövsiyə edirəm ki, hər kəs axşam yatmazdan əvvəl bir diş sarımsaq yesin. Sarımsağın Ph-ı 12.7 təşkil edir. Bunun qarşısını almağın yolu budur, başqa yol yoxdur”.
