Bakı metrosu bu gün saat neçəyə qədər işləyəcək? - Rəsmi AÇIQLAMA

Xəbər verdiyimiz kimi, Azərbaycan Yerüstü Nəqliyyat Agentliyinin məlumatına görə bu gün Bakı şəhəri və Abşeron rayonu ərazisində avtobuslar saat 21:30-dək fəaliyyət göstərəcək.

Vətəndaşlara metronun iş qrafikində hər hansı bir dəyişikliyin olub-olmayacağı maraqlıdır.

"Bakı Metropoliteni" QSC-nin mətbuat katibi Bəxtiyar Məmmədov Bizim.Media-ya bildirib ki, bu gün metronun iş qrafikində heç bir dəyişiklik olmayacaq.

"Bakı Metropoliteni texniki imkanlarının ən optimal həddində hərəkət qrafikini təmir edirdi. Hər hansı bir dəyişiklik olmayacaq. Mövcud hava şəraitiylə bağlı hər bir məsələ diqqət mərkəzindədir, gücləndirilmiş iş rejimi davam edir".