"Bu dəfə faktları biz açıqlayacağıq. Cənab Lavrov! Siz Azərbaycanın 7 rayonunun işğalı haqda danışanda mənim ağzımı açdırırsınız və danışmağa məcbur edirsiniz".
Turkustan.az xəbər verir ki, bu fikirləri Ermənistan Baş Qərargah rəisinin sabiq müşaviri Vladimir Poqosyan səsləndirib. O, Rusiyanın xarici işlər naziri Sergey Lavrovun səsləndirdiyi fikirlərə sərt reaksiya verib:
"Məgər Ermənistanı lazım olan silah-sursatla Rusiya təmin etməyib? Bu məqamda siz Əliyevdən üzr istəməlisiniz və "Bağışlayın, biz də həmçinin işğalçıyıq və ermənilərə 7 rayonu işğal etməyə yardım göstərmişik" deməlisiniz. Üstəlik təkcə canlı qüvvə (əsgər və hərbçilər – red) ilə yox, həm də silah göndərməklə kömək etmisiniz. Odur ki, siz öz danışığınıza fikir verin və seçdiyiniz sözlərə diqqət edin".
Poqosyan daha sonra Lavrova xitabən fikirlərini belə davam etdirib: "Yupiter üçün nəzərdə tutulan düstur, öküz üçün nəzərdə tutulmayıb. Bu düstur bizə uyğun deyil. Yupiter kimdirsə, öküz də odur. Rusiya xarici işlər nazirinin öküzlük etməsi isə lazım deyil", – Poqosyan fikirlərini tamamlayıb. (konkret.az)
