“Rusiyanın regiondakı mövcudluğu azalır, Bakının rolu ön plandadır”.
Turkustan.az xəbər verir ki, bunu politoloq Sergey Melkonyan İrəvanda keçirilən müzakirələr zamanı səsləndirib.
O bildirib ki, Ermənistanın Azərbaycanla əvəz olunması Rusiyanın Cənubi Qafqazdakı təsirinin zəifləməsinə səbəb olub.
“Hazırkı proseslər göstərir ki, regionda Rusiyanın təsiri azalır. Avropada baş verən ilk eskalasiya nəticəsində Rusiya Qarabağdakı mövcudluğunu itirdi, ikinci eskalasiya isə Suriyada oxşar nəticəyə gətirib çıxardı. Rusiya eyni anda həm əsas hərbi əməliyyatlar aparılan teatrda, həm də ikinci dərəcəli cəbhədə resurslarını səfərbər etməkdə çətinlik çəkir”, – deyə ekspert bildirib.
Melkonyan əlavə edib ki, Rusiya 2022-ci ildə Praqa bəyannaməsinin imzalanmasının qarşısını almaq üçün imkanlara malik idi.
“Bu, Rusiyanı Azərbaycanla maraqların toqquşduğu nöqtəyə aparardımı? Bəli. Azərbaycan Rusiya sülhməramlılarının Qarabağdan tamamilə çıxmasını istəyirdi, Rusiya isə orada qalmaq niyyətində idi. Maraqları qorumaq üçün mübarizə aparmaq lazım idi”, – deyə politoloq vurğulayıb. /konkret.az/
