Prezident İlham Əliyev onilliklərlə erməni diasporunu dəstəkləyən korrupsiyaya uğramış siyasətçilərin adlarını çəkib.
Turlustan.az xəbər verir ki, dövlətimizin başçısı bununla bağlı XII Qlobal Bakı Forumunun açılış mərasimindəki çıxışı zamanı danışıb.
"Biz bu məsələləri Ermənistan nümayəndələri ilə, onların Brüsseldə əyləşən yeni rəhbərləri ilə qaldırırıq. İndi onlar böyük qardaşını dəyişiblər. İndi həmin o böyük qardaş Brüsseldir. Prezident Tramp Dövlət Departamentində belə bir addım atdı ki, USAID ləğv olundu”, deyə İlham Əliyev qeyd edib.
Preziden bildirib ki, korrupsiyaya uğramış siyasətçi Robert Menendes də cəzalandırıldı, amma o, sonuncu olmalı deyil:
“Yəni, necə deyərlər, bir qaranquşla bahar olmaz? Çünki onlar pulları onlardan alıb ciblərinə qoyurlar. Məsələn, cənab Adam Şif, cənab Frank Pallone, xanım Nensi Pelosi və bir çox digərləri. Onlar onilliklərlə erməni diaspor təşkilatlarından ABŞ-da o pulları alırdılar ki, Azərbaycana hücum çəksinlər, gözdən salsınlar”.
