ABŞ alimləri Özbəkistanın yüksək dağlarında İpək Yolunun tarixi üçün böyük əhəmiyyət kəsb edən iki qədim şəhər aşkar ediblər. Lidar texnologiyası ilə şəhərlərin meydanları, divarları, yolları və yaşayış sahələri tədqiq edilib.
Turkustan.az xəbər verir ki, tədqiqatçılar bölgədəki ilk pilotsuz uçuş aparatı (PUA) əsaslı lidar skanları ilə Taşbulak və Tugunbulak adlanan bu orta əsr şəhərlərinin ətraflı xəritələrini ortaya qoydular.
Maykl Fraçettinin rəhbərlik etdiyi qrup lidar texnologiyası ilə şəhərlərin meydanlarını, divarlarını, yollarını və yaşayış sahələrini araşdırıb.
Techtimes-dən TRT Haber-in verdiyi xəbərə görə, iki min metr yüksəklikdə olan bu şəhərlər, dağlarda inkişaf edən dövrün ticarət mərkəzlərindən biri kimi diqqəti çəkir.
Tugunbulakın 120 hektar ərazisi ilə dövrün ən böyük şəhərlərindən biri olduğu düşünülür. Frachetti, “Bu mərkəzlər İpək Yolunda əsas qarşılıqlı əlaqə nöqtələri idi. “Heyvanlar, qiymətli metallar və digər sərvətlər burada ticarətin can damarı idi.
İlkin qazıntılar göstərir ki, Tuğunbulakda üç metr qalınlığında saxsı divarlarla əhatə olunmuş bina yerli dəmir ustalarının polad istehsal etdiyi zavod ola bilər.
Bu kəşf Orta Asiyanın İpək Yolu üzərindəki rolu haqqında mühüm məlumatlar verməklə yanaşı, gələcək tədqiqatlarda bölgənin tarixi ilə bağlı yeni kəşflərin edilə biləcəyini göstərir.
Eltac Zülfüqaroğlu/Turkustan.az
