19-cu əsrin əvvəllərində Fransanı idarə edən Napoleon Bonaparta məxsus, birini intihara cəhd edərkən istifadə etməyə çalışdığı iki tapança hərracda 1,69 milyon avroya satılıb.
Hərrac Napoleonun 1814-cü ildə ələ keçirildiyi zaman intihara cəhd etdiyi Fontainebleau sarayının çox yaxınlığında yerləşən Osenat hərrac evində keçirilib. Parisli silah ustası Louis-Marin Gosset tərəfindən hazırlanmış silahların qiyməti 1,2-1,5 milyon avro arasında idi. Fransa Mədəniyyət Nazirliyi bu yaxınlarda tapançalara “milli xəzinə” statusu verib və onların xaricə ixracını qadağan edib. Müvafiq olaraq, Fransa hökuməti 30 ay ərzində silahların yeni sahibinə silah almaq üçün təklif verməlidir. Bu həm də o deməkdir ki, bu müddət ərzində tapançalar yalnız qısa müddətə xaricə aparıla bilər.
Tapançaları alan şəxsin kimliyi açıqlanmayıb. Qızıl və gümüşlə işlənmiş tapançaların üzərində də Napoleonun profili həkk olunub.
Napoleonun ordularının məğlubiyyətindən sonra 12 aprel 1814-cü ildə bu silahlardan biri ilə özünü öldürməyi planlaşdırdığı təxmin edilir.
Həmin gün onun köməkçisi Armand de Caulaincourt erkən hərəkətə keçdi və silahın içindəki barıtı boşaltdı, bunun üzərinə Napoleon zəhər içərək özünü öldürməyə çalışdı, lakin sonunda xilas oldu.
Napoleon sonra bu tapançaları Koleynkura verdi. Hərracda silah qutusu və barıt sıxma çubuğu kimi bəzi aksesuarlar da satılıb.
Napoleonun əşyaları hərraclarda ən çox axtarılan əşyalar sırasındadır. Noyabrda keçirilən hərracda Napoleona məxsus papaq 1,9 milyon avroya satılıb.
Keçmiş Fransa İmperatoru Napoleon 1815-ci ildə Aralıq dənizindəki Elba adasındakı sürgündən qaçaraq qısa müddətə yenidən Fransanın başçısı oldu və həmin il Vaterloo döyüşündə yenidən məğlub oldu. Napoleon 1821-ci ildə sürgündə olduğu Cənubi Atlantikanın Müqəddəs Yelena adasında vəfat edib.
Eltac Züqlfüqaroğlu/Turkustan.az
